Агар чиқиндиларни ташувчи корхоналар ўз хизматлари учун нотўғри ҳисоб-китоб қилсалар, истеъмолчиларга харажатлар ва маънавий зарарни қоплайдилар.
1 апрелга қадар барча санитария тозалаш корхоналари Ягона электрон тизимга уланиши керак. Акс ҳолда, уларга бириктирилган ҳудудлар бошқа корхоналарга берилади. Бу президентнинг 4 январдаги фармони билан кўзда тутилган.
Бундан ташқари, корхоналар ушбу платформада тўловларни ҳисоблашнинг тўғрилиги ва ишончлилиги учун жавобгар бўлади. Хато қилинган тақдирда, улар истеъмолчиларга харажатлар ва маънавий зарарни қоплашлари керак.
Шунингдек, ҳужжатда қайд этилишича, жорий йилдан бошлаб санитария тозалаш хизматлари тарифлари ҳар йили қайта кўриб чиқилади.
Эслатиб ўтамизки, июль ойидан бошлаб чиқиндиларни йиғиш ва ташиш билан шуғулланувчи корхоналар хизматлари учун қарздорлик мавжуд бўлса, ўзбекистонликларнинг электр энергияси учун тўлов қилишлари чекланади. Бундан ташқари, апрел ойидан бошлаб ахлат бўйича қарздорлар автомобиль ва кўчмас мулкни сотиб олиш ва сотиш билан боғлиқ нотариал битимларни туза олмайдилар.
