Ўзбекистонда фаолият юритаётган олтита онлайн такси агрегатори жорий йилнинг ўтган даврида 20,4 миллиард сўм солиқ тўлаган.
Cолиқ қўмитаси раисининг ўринбосари Мубин Мирзаев иштирокидаги матбуот анжуманида мамлакатда 481,4 минг ўз-ўзини иш билан банд бўлган ҳайдовчилар йўловчи ташиш билан шуғулланаётганини маълум қилган. Шу билан бирга, уларнинг 1,5 мингга яқини аёллардир.
Таъкидланишича, ярмидан кўпи, яъни 213,1 минг ҳайдовчи солиқ органларининг ахборот тизимлари билан интеграция қилинган олтита онлайн агрегатор орқали фаолият юритмоқда. Булар Yandex, Uklon, MyTaxi, Intellekt servis, Promo Technology group, TOTMEGA.
Жорий йилнинг ўтган даврида улар 20,4 миллиард сўм солиқ тўлашган. Улар кўрсатган ҳар бир транспорт хизмати учун электрон фискал чек шакллантирилади. Шу сабабли йил бошидан буён 866,3 миллиард сўм даромад қонунийлаштирилган.
Бугунги кунга келиб, 125 та такси агрегаторларига солиқ тизими билан интеграциялашишда амалий ёрдам кўрсатилмоқда.
Эслатиб ўтамизки, сўнгги етти йил ичида кунига "легал" таксилардан фойдаланиш сони 15 мингтадан 900 мингтага ошган.
