Ўзбекистон ва Қозоғистон ҳаво ҳудудини ҳимоя қилиш бўйича қўшма машқ ўтказмоқда

Чоп этиш

Ўзбекистон ва Қозоғистон ҳарбий хизматчилари "Ашик Аспан-2024" халқаро оператив-тактик қўмондонлик – штаб машқини ўтказмоқда. Ҳаво ҳужумидан мудофаа кучлари ва воситаларини биргаликда қўллаш ҳаракатлари, шунингдек, жанговар навбатчиликнинг махсус ҳолатларида ҳарбий қисмларни бошқариш кўникмалари ишлаб чиқилмоқда.

Қозоғистон Мудофаа вазирлигининг маълумотларига кўра, тадбирларда вертолётлар, армия ва ҳарбий транспорт авиацияси самолётлари, шунингдек, ҳаво ҳужумига қарши мудофаа қўшинларининг кучлари ва воситалари иштирок этади.

Хусусан, ҳарбий кучлар давлат чегараси бузилган ёки ҳаво ҳудудидан фойдаланиш қоидаларига риоя этилмаган ҳолларда қўшни давлатлар, Қирғизистон ва Тожикистон қўмондонлик пунктлари билан ҳамкорлик қилиш тартибини ишлаб чиқишмоқда.

Қўшинлар Мустақил давлатлар Ҳамдўстлигининг бирлашган ҳаво ҳужумидан мудофаа тизими доирасида душман авиациясининг зарбаларини қайтариш бўйича амалий ҳаракатларга тайёрланмоқда.

Машқлар 14 сентябрда якунланади.

Эслатиб ўтамизки, МДҲ мамлакатлари Ўзбекистонда "Шарқ-Аксилтеррор – 2024" машқларида бир қатор сценарийларни синаб кўришмоқда.

Мавзу юзасидан фикр, мулоҳаза ёки қўшимча маълумотларингиз бўлса, Sangzor.uz Telegram канали орқали таҳририятга йўллашингиз мумкин.
Фикрлар (0)
Фикр билдиринг
Кликните на изображение чтобы обновить код, если он неразборчив