«Манчестер Сити»га йирик дисквалификация хавф солмоқда

Чоп этиш

Англиянинг «Манчестер Сити» 115 та молиявий фейр-плей (ФФП) қоидабузарликлари бўйича Англия Премьер-лигасидан (АПЛ) четлатилса, қолган ички мусобақалардан ҳам четлатилиши мумкин. Бу ҳақда Telegraph газетаси хабар бермоқда.

Манбага кўра, Премьер-лигадан тушиб кетиш жамоанинг Англия кубоги ва Англия лига кубогида иштирок этишдан дисквалификация қилинишига олиб келиши мумкин, чунки бу регламентда кўзда тутилган.

Манчестер клуби томонидан 2009/2010 йилги мавсумдан 2017/2018 йилги мавсумгача бўлган даврда молиявий қоидаларни бузганлик иши бўйича суд мажлислари сентябр ойи бошида бошланган эди. Улар камида олти ой давом этиши кутилмоқда; якуний ҳукм 2025 йилнинг баҳоридан олдин маълум бўлади.

АПЛнинг жорий мавсумида «Манчестер Сити» 4 турда 12 очко жамғарган ва турнир жадвалида биринчи ўринда бормоқда. «Арсенал» ва «Нюкасл» мос равишда «Сити»дан икки очкога ортда қолиб, иккинчи ва учинчи ўринларда бормоқда.

Мавзу юзасидан фикр, мулоҳаза ёки қўшимча маълумотларингиз бўлса, Sangzor.uz Telegram канали орқали таҳририятга йўллашингиз мумкин.
Фикрлар (0)
Фикр билдиринг
Кликните на изображение чтобы обновить код, если он неразборчив