Ростов вилоятида бир кунда икки жиноят содир этган 26 ёшли эркак қўлга олинди. Унинг биринчи қурбони, 24 ёшли қиз, ўз уйининг подъездида ҳужумга учради. Маньяк унга камида 40 марта пичоқ билан урган, бу оғир жароҳатлар натижасида қиз шифохонада вафот этди.
Шу куннинг ўзида эркак иккинчи ҳужумни содир этди. Подъезддаги видеокамералар унинг ўспирин болага пичоқ билан ҳужум қилганини қайд этди. Жиноятчи болани бўйнидан яралаб, ҳужумни охирига етказолмай қочиб кетган.
Маньяк қўлга олинган пайтда ҳушёр ҳолатда бўлган, аммо терговчиларнинг саволларига жавоб бермаяпти. Маълум бўлишича, эркакда тақиқланган моддаларни истеъмол қилиш оқибатида психоз ҳолати ривожланган. Ҳужумлардан кейин унинг ўзини тутишдаги ғайритабиий ҳаракатлари буни тасдиқлаган.
Ҳозирда жиноятчининг ҳаракатлари юзасидан тергов давом этмоқда. Бу жиноятлар жамиятда катта шов-шувга сабаб бўлди ва ҳужумчи «Ростов маньяги» деб номланмоқда.
