Telegram платформаси Zoom ва Google Meet каби сервисларга рақобатчига айланди — энди мессенжер орқали 200 нафаргача иштирокчини қамраб олган гуруҳ қўнғироқларини ташкил этиш мумкин. Бу функция орқали мулоқотлар, учрашувлар ва бизнес конференциялар янада осон ва самарали ўтади.

Энг асосийси — қўнғироқлар учун алоҳида чат яратиш талаб этилмайди. Ҳамма иштирокчиларга ҳаволани юбориш кифоя.

Шу билан бирга, янгиланиш доирасида қуйидаги функциялар ҳам жорий этилди:

• Қўнғироққа таклиф қилиш қулайлашди — эндиликда QR-код ёки ҳавола орқали фойдаланувчини бевосита қўнғироққа жалб қилиш мумкин;

• Автоматлаштирилган бизнес аккаунтлар — бундай профилларга эндиликда сунъий интеллектга асосланган ботларни қўшиш имкони яратилди;

• Аккаунт блокланган бўлса — мессенжердан чиқмасдан туриб, тақиқ бўйича Telegram’га мурожаат йўллаш имконияти пайдо бўлди;

• Юбориш функциясида навбатдаги енгиллик — хабарни юбориш учун энди тугмани босиб, ушлаб туриш орқали бошқа контактларга тезда йўналтириш мумкин.

Telegram’нинг бу янгиланиши нафақат оддий фойдаланувчилар, балки тадбиркорлар ва жамоат ташкилотлари учун ҳам янги имкониятлар эшигини очмоқда.