Европа Чемпионлар Лигаси (ЕЧЛ) 2025/26 йилги мавсуми учун қуръа ташланди ва унда катта сенсациялар юз берди. Илк бор мусобақада иштирок этаётган Қозоғистоннинг «Қайрат» клуби ўз уйида «Реал Мадрид»ни қабул қилади. Шу тариқа, испан гранди тарихида биринчи марта Қозоғистонга расмий ўйин учун сафар қилади.

Шу билан бирга, ўзбекистонлик ёш талант Абдуқодир Ҳусанов тўп тепадиган «Манчестер Сити» қуръада Европанинг энг кучли клублари билан бир гуруҳга тушди. «Шаҳарликлар» «Боруссия Дортмунд», «Байер», «Вилярреал», «Наполи», «Будё-Глимт», «Галатасарой», «Монако» ва «Реал Мадрид» билан беллашади.

«Қайрат» учун тарихи тўқнашувлар

Қозоғистон футболи учун бу босқич янги даврни бошлади. «Қайрат» ўз уйида «Реал Мадрид»дан ташқари, «Брюгге» (Бельгия), «Олимпиакос» (Греция) ва «Пафос» (Кипр) каби жамоаларни қабул қилади. Сафарда эса «Арсенал» (Англия), «Интер» (Италия), «Спортинг» (Португалия) ва «Копенгаген» (Дания)га қарши майдонга тушади.

Турнир формати ва ўйинлар санаси

Умумий босқичда 36 та жамоа 4 саватга бўлинган ҳолда 8 та ўйин ўтказади. ЕЧЛнинг бу босқичи 2025 йил 16 сентябрдан бошланиб, 2026 йил 28 январгача давом этади. Ўйинларнинг аниқ тақвими 30 август куни эълон қилинади.

Қуръадаги 4 сават таркиби эса қуйидагича шакллантирилди:

1-сават: «Реал Мадрид», «Манчестер Сити», «Бавария», «ПСЖ», «Интер», «Барселона», «Арсенал», «Аякс».
2-сават: «Атлетико», «Челси», «Ювентус», «Боруссия Дортмунд», «Наполи», «Байер», «Бенфика», «Порто».
3-сават: «Милан», «Лейпциг», «Спортинг», «Галатасарой», «Вилярреал», «Копенгаген», «Монако», «Будё-Глимт».
4-сават: «Қайрат», «Олимпиакос», «Пафос», «Селтик», «Фенербахче», «Брюгге», «Шахтёр», «Марсель».

ЕЧЛ қуръаси Монакода кутилмаган сенсацияларга бой бўлди. Қозоғистон биринчи марта мадридликларни қабул қилади, ўзбекистонлик ёш юлдуз эса Европанинг энг йирик клубларига қарши ўйинларда ўз маҳоратни намойиш этади.