Автомобиллар йўлнинг қайси қисмида қайрилиб олиши мумкин эмаслиги ҳақида «Ҳуқуқий ахборот» канали хабар бериб ўтди. Унга кўра қуйидаги жойларда транспорт воситасининг қайрилиб олиши тақиқланади:
— пиёдаларнинг ўтиш жойларида;
— туннелларда;
— кўприклар, йўл ўтказгичлар, эстакадалар ва уларнинг остида (тегишли йўл белгилари билан бундай манёврни бажариш рухсат берилган йўл қисмлари бундан мустасно);
— темир йўл кесишмаларида;
— йўлнинг кўриниши бирор-бир йўналишда 100 метрдан кам бўлган жойларда.
