1 465,7 минг АҚШ доллар маблағ тадбиркорлар ихтиёрида қолди

Чоп этиш

Экспорт билан шуғулланувчи тадбиркорлик субъектларига ҳар томонлама кўмак бериш ва уларни қўллаб-қувватлаш тадбирлари изчиллик билан давом эттирилмоқда.
Ўзбекистон Республикаси Президентининг 2021 йил 21 апрелдаги “Тадбиркорликни қўллаб-қувватлаш тизимини янада такомиллаштириш, ишбилармонлик муҳитини янада яхшилаш бўйича қўшимча чора-тадбирлар тўғрисида”ги қарорига биноан, экспортчи корхоналарга дебитор қарздорлик учун жарима қўллаш тўхтатилди.
Қарорга биноан, 2021 йил 1 май ҳолатига шаклланган ташқи савдо операциялари бўйича муддати ўтган дебитор қарздорлик учун хўжалик юритувчи субъектларга жарималар қўллаш тўхтатилади. Натижада Жиззах вилоятидаги 71 та хўжалик юритувчи субъектларнинг ташқи савдо шартномалари бўйича 7 608,0 минг АҚШ долларлик муддати ўтган дебитор қарздорликлари учун жарималар қўлланиши тўхтатилиши натижасида 1 465,7 минг АҚШ доллар ёки миллий валюта эквивалентида 15 402,8 млн.сўмлик маблағлар хўжалик юритувчи субъектлар ихтиёрида қолдирилди.
Эслатиб ўтамиз, дебитор қарздорлик вужудга келиш муддати 2021 йил 1 майдан бошлаб янгидан ҳисобланади.


Абдурасул Сулаймонов,
Жиззах вилояти ДСБ ташқи савдо операцияларини

мониторинг қилиш бўлими бошлиғи.

Мавзу юзасидан фикр, мулоҳаза ёки қўшимча маълумотларингиз бўлса, Sangzor.uz Telegram канали орқали таҳририятга йўллашингиз мумкин.
Фикрлар (0)
Фикр билдиринг
Кликните на изображение чтобы обновить код, если он неразборчив