Ўзбекистоннинг шимолий ҳудудларига 12 декабрь куни, республиканинг катта қисмига 13 декабрда Волгабўйи ҳудудларидан нам ва совуқ ҳаво кириб келди, деб хабар бермоқда Республика Гидрометеорология маркази.

Қайд этилишича, мамлакат бўйича баъзи жойларда ёмғир ёғади, айрим жойларда қорга айланиши мумкин. Тоғли ҳудудларда ёғингарчилик кучли бўлиши мумкин. Қорақалпоғистонда, Хоразм вилоятида ва Фарғона водийси вилоятларида ёғингарчилик кутилмайди. Шамол тезлиги 15-20 метр/секундгача кучайиши мумкин. Кундуз кунги ҳаво ҳарорати 7-9 даража илиқ, шимолда 2 даража совуқ-3 даража илиқ атрофида бўлади.

14 декабрда циклон таъсири сақланиб туради, Бухоро, Навоий вилоятларида кечаси ва эрталаб, республиканинг қолган ҳудудларида кун давомида баъзи жойларда ёғингарчилик (ёмғир, қор) бўлади. Республиканинг шимолида ёғингарчилик кутилмайди. Ҳаво ҳарорати кечаси 1-3 даража совуққача, кундузи 3-5 даража илиққача, республиканинг шимолида 7-12 даража совуққача, кундузи 1-6 даража совуққача пасаяди. Бу ўртача кўп йиллик қийматлардан 4-6 даражага паст.

16—17 декабрь кунларида антициклон таъсири аста-секин заифлашади, ёғингарчилик кутилмайди. Ҳаво ҳарорати кечалари 0-3 даража совуқни ташкил этади, кундуз кунлари 7-10 даража илиққача аста-секин кўтарилади.

Республика бўйича баъзи жойларга туман тушиши мумкин.