Хитой стриминг сервислари ўз кутубхоналаридан канадалик актёр Киану Ривз иштирок этган фильмларни ўчириб ташлашди. Бу ҳақда «Reuters» агентлиги хабар берди.
Сабаби — Ривз Далай-лама муассислигидаги нотижорий ташкилот уюштирган Тибетга бағишланган концертда қатнашган.
Энди хитойликлар Tencent Video ва iQiyi сингари энг йирик платформаларда «Матрица», «Жон Уик» ва «Тезлик» сингари блокбастерларни томоша қилиша олмайди.
