Жиззах вилояти Зафаробод туманидаги заводда ҳайвонлар тириклайин куйдирилаётгани ҳақида хабарлар тарқалди. Вилоят Ички ишлар бошқармаси ахборот хизмати ҳолат юзасидан маълумот берди.

Таъкидланишича, ҳолат Зафаробод тумани Чимқўрғон ҚФЙда жойлашган цемент заводида содир бўлган. ИИБ ходимлари томонидан суриштирув ишлари олиб борилиб, мазкур ҳолатни содир этган шахс Хитойда туғилгани, ўзбек–хитой қўшма корхонасида механизатор бўлиб ишловчи Ман Минг экани аниқланган.

Ҳолат юзасидан туман ИИБ ҳодимлари томонидан Ман Мингнинг ҳайвонларга шафқатсиз муносабатда бўлгани сабабли унга нисбатан Маъмурий жавобгарлик тўғрисидаги кодекснинг 111-моддасида (Ҳайвонларга нисбатан шафқатсиз муносабатда бўлиш) кўрсатилган хуқуқбузарликни содир этгани туфайли маъмурий баённома расмийлаштирилган.