Алишер Усмонов Ирина Винер билан ажрашишга берган аризасини қайтиб олган, уларнинг никоҳини бекор қилиш бўйича суд жараёни тўхтатилган. 

Ҳозирча томонлардан ҳеч қандай изоҳ йўқ, демак ҳамма нарса тинч ва турмуш ўртоқлар қандайдир келишувга эришганлар.

Биринчи суд бир ой олдин бўлиб ўтган, Усмонов ва Винер унда иштирок қилишмаган, судда уларнинг манфаатларини адвокатлар тақдим этишган. Ўшанда тадбиркор   вакиллари жараён иштирокчиларининг шахсий ҳаёт махфийлигини таъминлаш мақсадида жараённи ёпиқ тарзда ўтказиш кераклигини айтишган. Илтимоснома Винер вакиллари томонидан қўллаб-қувватланган ва кейинчалик суд ҳам буни маъқуллаган.

Усмонов ва Винер 1992 йилда турмуш қуришган. Суд ишлари картотекасига кўра, бу фуқаролик иши бўйича ариза тадбиркор томонидан берилган. РИА Новости билан суҳбатда Винер “агар ҳамма нарса тинч ва хотиржам бўлса, агар биз ҳамма нарсага келишсак, унда шарҳлар йўқ”, деб айтган. Томонлар ажрашиш тўғрисидаги қарор ҳақида ҳозирча батафсил айтиб беришмаган.