Тошкент аэропортида ёш қизларни фоҳишалик учун Дубайга жўнатиб турган аёл ушланган. Ҳар-бир қиз учун унга 100 доллар берилган. Бу ҳақда ИИББ хабар бермоқда. 

Терговда маълум бўлишича, Лобар исмли бир аёл чет элда ишламоқчи бўлган ёш қизларни қидириб юрган. Уларнинг ҳар-бири учун у 100 доллар “мукофот” олган. Шу билан бирга, БААга борган қизлар чипта ва ҳужжатларни расмийлаштиришга сарфланган харажатлар учун 2 минг доллар ишлаб бериши лозим эди.

Тезкор тадбирлар давомида Лобар Тошкент халқаро аэропортида қизни фоҳишалик учун Дубайга жўнатмоқчи бўлганида қўлга олинган.

Айни пайтда у Тошкентдаги аёллар колониясида сақланмоқда. У Жиноят кодексининг 135-моддаси 2-қисми (одам савдоси) бўйича жиноят содир этганликда айбланмоқда.

Ушбу ҳуқуқбузарлик беш йилдан саккиз йилгача озодликдан маҳрум қилиш билан жазоланади.