Mактаб битирувчиларини ОТМларга киришда муаммолар бўлмаслиги учун ўз вақтида ID-карталарини олишга чақиришган.
"Олий таълим муассасаларига онлайн киришда ҳужжатларни топшириш учун битирувчиларнинг паспорт маълумотларини ABITUR электрон дастурига киритиш талаб этилади. Шу муносабат билан 16 ёшга тўлган ҳар бир битирувчи ўз вақтида ID-картани олиши кераклигини эслатиб ўтамиз",-дея таъкидламоқда Мактабгача ва мактаб таълими вазирлиги.
Бугунги кунда 16 ёшга тўлган 390 мингдан ортиқ битирувчиларнинг 129 мингтаси (33%) ҳали ID -карталарни олмаган, натижада уларнинг маълумотлари электрон маълумотлар базасига киритилмаган.
"Ҳурматли ота-оналар, фарзандингизнинг конституциявий ҳуқуқидан фойдаланган ҳолда, 16 ёшга тўлган болаларингизнинг ID-картасини ўз вақтида олишларини таъминлашларини сўраймиз ва мактаб маъмуриятлари битирувчиларнинг маълумотларини электрон базага киритишлари керак. Паспорт олиш учун ҳудудий ички ишлар органларининг миграция ва фуқаролик бўлимларига мурожаат қилишингиз керак", - дея қўшимча қилди вазирлик.
