Лондонда яшовчи 19 ёшли талаба ва блогер Виттория ди Савойя отаси тахтдан воз кечганидан кейин Италиянинг навбатдаги қироличасига айланиши мумкин.
Италиянинг сўнгги қиролининг набираси, 50 ёшли шаҳзода Эммануил Филиберт Савойский тахтга даъвогарлик қилишдан бош тортди ва бу вазифани қизи ўзидан кўра яхшироқ уддалашини айтди, деб ёзади Telegraph.
Сиёсат ва санъат тарихи факультети талабаси Виттория ди Савойя Instagram'да 80 000 га яқин обуначига эга ва яқинда Франциядаги Vanity Fair журналининг муқовасида сурати чоп этилган.
У Парижнинг École Diagonale хусусий мактабида ўқиган, санъат ва мода билан қизиқади.
Маълумот учун, 1946 йилда референдумда бекор қилинганидан бери мамлакатда монархия мавжуд эмаслигини ҳисобга олсак, Виттория Италиянинг келажагида қандай рол ўйнаши ҳозирча номаълум. Бундан ташқари, монархиянинг қайтиши ғоясини кўпчилик қўллаб-қувватламайди.
