Ўтган ҳафта Тошкентнинг Мирзо Улуғбек туманида етти ёшли қизга қилинган ҳужум бўйича тергов якунланди. Айбланувчи Қибрай туманида яшовчи 55 ёшли Холикжон Арибжанов бўлиб чиқди. Бу ҳақда зўравонликка қарши Nemolchi.Uz. лойиҳаси хабар бермоқда.  

Ҳодиса 7 июнь куни соат 17: 00 атрофида содир бўлган. Ўрта ёшли эркак етти ёшли қизнинг орқасидан подъездга кириб борган. Қиз ўша уйда яшаган, у биринчи қаватда яшайдиган дугонасининг ёнига борган. Эркак мушти билан таҳдид қилиб, қизни кўчадан кўринмаслиги учун қарама-қарши эшикка олиб борган, ўпишни бошлаган, турли жойларига теккан ва бошқа бузуқ ҳаракатлар қилган. Ушбу ҳаракатлар жараёнида у ўзини ўзи қониқтирган. Бирданига қизнинг дугонаси эшикни очиб, эркакни    чўчитган ва у қочиб кетган.

Арибжановга 119-модданинг 4-қисми (14 ёшга тўлмаган шахс билан жинсий эҳтиёжни ғайритабиий шаклда мажбуран қондириш) бўйича айблов қўйилган. У лаёқатли деб топилган. Ушбу жиноят учун 15 йилдан 20 йилгача озодликдан маҳрум қилиш назарда тутилган.

Тергов давомида аниқланишича, у илгари ҳам вояга етмаганларга нисбатан бузуқ хатти-ҳаракатлари (Жиноят кодексининг 129-моддаси) учун жиноий жавобгарликка тортилган экан. Ўшанда унга атиги бир йиллик қамоқ жазоси тайинланган. Эҳтимол, бундай юмшоқ жазо уни жазосиз қолишга ишонтирган. Яна қанча болалар ундан жарб чеккани номаълум, аммо обуначиларимиз уни ўйин майдончалари яқинидаги ҳудудда жинсий аъзолари яланғоч ҳолда бир неча бор кўрганликларини ёзишган.

Афсуски, болаларга нисбатан бузуқ хатти-ҳаракатларни амалга оширадиган одамларга етарлича эътибор бермаслик янада оғир жиноятлар содир этишга ёрдам беради. Июль ойида Ўзбекистонда вояга етмаганларга қарши жинсий жиноят содир этганликда айбланган шахслар реестри пайдо бўлиши керак эди, аммо унинг яратилганлиги ҳали ҳам номаълум. Умид қиламизки, жарбланган болаларга оид ҳар бир хабар алоҳида назорат остида бўлади, айбдорлар қаттиқ жазоланади ва давлат муаммони тизимли равишда ҳал қилади.