Етти ёшли қизга нисбатан бузуқ хатти-ҳаракатлар қилган эркак 18 йилга озодликдан маҳрум этилган. Судда, у ўзини оқламоқчи бўлиб, "жараённи" охиригача олиб бормаганлигини айтган. Бу ҳақда зўравонликка қарши Nemolchi.uz. лойиҳаси хабар бермоқда.
Жиноят ишлари бўйича Мирзо Улуғбек тумани суди 20 сентябр куни 55 ёшли Холикжон Арибжоновни Жиноят кодексининг 119-моддаси 4-қисми (жинсий эҳтиёжни ғайритабиий шаклда мажбуран қондириш) бўйича жиноят содир этганликда айбдор деб топган ва 18 йилга озодликдан маҳрум қилган.
Июнь ойининг бошида Арибжанов дугонасининг ёнига кетаётган етти ёшли қизнинг орқасидан подъездга кириб борган ва мушти билан таҳдид қилиб, қизга нисбатан уятсиз ҳаракатлар қила бошлаган – уни ўпган, танасининг турли жойларига қўллари билан тегинган ва бошқа бузуқ ҳаракатларни содир этган. Яхшиямки, қизнинг дугонаси уни кутиб олиш учун чиқиб қолган ва жиноятчини чўчитган.
Тажовузкорлик ҳолати аҳоли томонидан ўрнатилган камералар томонидан қайд этилган. Қиз дарҳол ота-онасига нима бўлганини айтиб берган ва улар дарҳол ҳуқуқни муҳофаза қилиш органларига мурожаат қилишган. Жиноятчи бир кун ичида ушланган. Маълум бўлишича, у илгари вояга етмаганларга нисбатан бузуқ хатти-ҳаракатлари учун жиноий жавобгарликка тортилган экан.
Судда айбланувчи ўзини оқлашга уриниб, қониқишини охиригача етказмаганини айтган. Бироқ, "жараён" охиригача етиб борганми ёки йўқми, муҳим эмас – Ўзбекистон қонунларига кўра, бу ўта оғир жиноятдир. Натижада, суд унга 18 йиллик қамоқ жазосини тайинлаган. Адолат ғалаба қозонди!
Таъкидлаш жоизки, жиноят одатда хавфсизлик чоралари кучайтирилган президент трассаси бўйлаб жойлашган уйда содир бўлган. Аммо, ота-оналарнинг сўзларига кўра, жиноятчи юрган уйлар орасидаги камералар ишламайди. Агарда шу уйда ўрнатилган камералар бўлмаганида, жиноятчи ҳақида ҳеч қандай маълумот бўлмас эди.
