“Кама” компаниясининг “Атом” электрокарлари Ўзбекистон ҳудудида йиғилиши мумкин. Бу ҳақда Россия ва Ўзбекистон ўртасида минтақалараро ҳамкорликнинг учинчи форуми давомида Россия иқтисодий ривожланиш вазирининг ўринбосари Дмитрий Вольвач маълум қилган.

Амалдорнинг айтишича, ўзбекистонлик ҳамкорлар “Атом”ни йиғишни бошлаб, кейинчалик ушбу автомобиль ишлаб чиқаришни тўлиқ маҳаллийлаштиришга қизиқиш билдиришган.

“Мен бу автомобилни дастлаб шу ерда –Қозонда кўрдим. Мен учун бу кутилмаган воқеа бўлди, электрокарнинг сифати жуда илғор ва замонавий экан”, - деди Вольвач.

Яқинда маълум бўлишича, Россияда “Атом” электрокарига 36 мингта буюртма берилган экан. Автомобилни КАМАЗ раҳбари Сергей Когогин томонидан ташкил этилган “Кама” компанияси ишлаб чиққан.