"Қийноққа солиш ва зулм қилиш йўқ." Даулетмурат Тажимуратов Омбудсманга колониядаги шароитлар ҳақида гапириб берган

Чоп этиш

Нукусдаги тартибсизликлар бўйича асосий судланувчи, журналист Даулетмурат Тажимуратов Омбудсманга жазони ўтаётган колониядаги шароитлар ҳақида гапириб берган. Унинг сўзларига кўра, у ерда озиқ-овқат таъминоти яхши, тиббий ёрдам ўз вақтида кўрсатилади, қийноқ ва зулм қилиш йўқ. Бу ҳақда мухбиримиз хабар бермоқда.

Олий Мажлиснинг инсон ҳуқуқлари бўйича вакили ва жамоат гуруҳи аъзолари Навоийдаги 11-сонли колонияга ташриф буюришган. Улар маҳбуслардан, хусусан, колониядаги қийноқлар борасида сўров ўтказишган. Ташриф 5 январ куни бўлиб ўтган.

Хусусан, улар 2022 йилда Нукус тартибсизликларини уюштирганликда айбланган ва ушбу колонияда жазони ўтаётган Даулетмурат Тажимуратов билан суҳбатлашишган. Унинг сўзларига кўра, колония шароитлари ва озиқ-овқат таъминоти яхши, тиббий ёрдам ўз вақтида кўрсатилади, колонияда қийноққа солиш ва зулм ўтказиш йўқ.

Эслатиб ўтамизки, 2022 йил июль ойида Даулетмурат Тажимуратов Нукусда норозилик намойишини уюштирган. У ўзини Қорақалпоғистоннинг янги раҳбари этиб тайинлашни талаб қилган. 2023 йил январь ойида журналист тартибсизликлар уюштиришда айбдор деб топилган ва 16 йилга озодликдан маҳрум этилган.

Мавзу юзасидан фикр, мулоҳаза ёки қўшимча маълумотларингиз бўлса, Sangzor.uz Telegram канали орқали таҳририятга йўллашингиз мумкин.
Фикрлар (0)
Фикр билдиринг
Кликните на изображение чтобы обновить код, если он неразборчив