Россиялик эркин курашчи Разамбек Жамалов эндиликда Ўзбекистон шарафини ҳимоя қилади.

У спорт фуқаролигини алмаштирди ва бўлажак мусобақаларда Ўзбекистон номидан иштирок этади.

Қайд этилишича, Жамалов аллақачон ўз паспортини расмийлаштириб улгурган.

25 ёшли Разамбек Жамалов -74 кг вазн тоифасида иштирок этади. У ўсмирлар ўртасида жаҳон вице-чемпиони (2018), U23 ёш тоифасида Европа ва жаҳон чемпиони (2019) ва бир неча карра Россия чемпиони ҳисобланади.