Маҳмуд Муродов 11 сониялик жангда қанча пул ишлаб олди?

Ўрта вазн тоифасида ўзбекистонлик UFC жангчиси Маҳмуд Муродов кеча UFC Fight Night 235 турнири доирасида россиялик Алиасхаб Хизриевга қарши октагонга чиққан эди.

Жанг 11-сониядаёқ ҳамюртимизнинг кўзидан жароҳат олиши сабаб тўхтатилиб, ўтказилмаган деб топилганди.

Маълум бўлишича, Муродов кечаги жангидан 76 000 доллар ишлаб олган. Ҳамюртимиз жанг учун 70 000 $, ҳомийлик келишувлари учун эса яна 6 000 $ олган. Хизриев эса 11 сониялик жанг учун 16 000 долларга эга бўлди (12 000 $ жанг учун, 4 000 $ ҳомийлик келишувлари).