АҚШ савдо ваколатхонаси Ўзбекистонни сўнгги 24 йил ичида интеллектуал мулк ҳуқуқини бузган мамлакатларнинг "қора" рўйхатидан чиқариб ташлаган.
Мазкур маълумот дунёнинг турли мамлакатларидаги интеллектуал мулк ҳуқуқларини ҳимоя қилиш (ИМХ) ҳолатларига бағишланган 301-махсус маърузада келтирилган.
Ўзбекистон 2000 йилда устувор назорат рўйхатига киритилган ва унга 24 йил бўлган. Ушбу рўйхатда Марказий Осиё минтақасидан яна бир мамлакат – Туркманистон қолган.
Давлатнинг махсус назорат остидаги мамлакатлар рўйхатига киритилиши интеллектуал мулкни ҳимоя қилишда жиддий муаммолар мавжудлигини кўрсатади, шу билан бирга хорижий корхоналарнинг тўғридан-тўғри инвестиция фаолиятига алоҳида эътибор берилади.
"Сўнгги беш йил ичида интеллектуал мулк объектларини рўйхатдан ўтказиш тартиб – таомилларини соддалаштириш, уларнинг ҳуқуқларини самарали ҳимоя қилиш, халқаро битимларда иштирок этиш ва халқаро алоқаларни ривожлантириш, шунингдек, ЖСТ битими талабларини миллий қонунчиликка имплементация қилиш орқали Ўзбекистон бундай натижага эришди", - дейилмоқда Ўзбекистон Адлия вазирлигининг интеллектуал мулк департаменти хабарида.
Эслатиб ўтамизки, яқинда эксперт Ўзбекистонда хорижий Интернет-компаниялар фойдасининг ўсишини қайд этиб, ўзбекистонликлар истеъмол қилиш одатларини Интернет-контентни маданиятли пуллик истеъмол қилиш томон ўзгартираётгани билан боғлаган.
