Uzauto Motors шартнома бошланганидан 15 дақиқа ўтгач, сотувга қўйилган 4,4 минг дона Lacetti учун барча шартномалар ўз эгаларини топганини   маълум қилган.  

Бугун, 8 май куни соат 10:00да Chevrolet Lacetti учун контрактация бошланган. Соат 10:15да 4,4 мингта автомобиль учун барча шартномалар расмийлаштирилиб бўлинган. Ҳаммаси бўлиб онлайн сотувга 4,5 мингта машина чиқарилган.

Бироз вақт ўтгач, компания ушбу моделдаги автомобилларнинг бутун ҳажми тўлиқ контрактация қилингани ҳақида билдирган. Барча шартномаларнинг 99.9 фоизи жисмоний шахслар томонидан тузилган, улар One ID тизими орқали авторизациядан ўтган ва 1 тадан кўп бўлмаган автомобилга шартнома тузишган.

Аввалроқ, транспорт воситаларининг нархи ўзгаришсиз қолиши ҳақида хабар берилган эди.