Шу дам олиш кунлари Тошкент вилоятининг Бўстонлиқ туманида "Чимён садоси-2024" халқаро фестивали бўлиб ўтади.
Анъанавий экологик ва сайёҳлик фестивали 14-16 июнь кунлари бўлиб ўтади. Фестивал доирасида халқаро сайёҳлик қўшиқлари танлови, тоққа чиқиш, Катта Чимёнга тез кўтарилиш бўйича мусобақалар ташкил этилади.
Шунингдек, экотуризм мавзусида ўсмирлар ва ёшлар билан машғулотлар ўтказиш учун "Очиқ ҳавода эко-мактаб" ҳамда "Биз тоза Чимён тарафдоримиз" акцияси ташкил этилади.
Айтиш жоизки, «Чимён садоси» ўз тарихини 1977 йилдан бери давом эттирмоқда. Бу май ойининг бошларида бўлиб ўтган сайёҳлик ва тоққа чиқиш спорт лагерлари муҳитидан келиб чиққан бўлиб, ўшанда кечқурун Чимён тоғи яқинида экстремал альпинистлар ва сайёҳлар тўпланишган. Ушбу учрашувлар ижодий лабораторияга айланган, у ерда ўша даврнинг таниқли қўшиқ муаллифлари шаклланган ва бард қўшиғи жанри ривожланган.
Чимён фестивалининг бошида афсонавий Сергей ва Татьяна Никитинлар, Владимир Туриянский, Александр Суханов, Виктор Берковский, Виктор Баранов, ака-ука Бяльскийлар, Владимир Баграмов ва бошқа машҳур бардлар турган. Никитинларнинг машҳур "Олтин Бричмулла" қўшиғи Чимён фестивалида туғилган ва унинг мадҳиясига айланган, у ҳозиргача барча машҳур муаллифлик қўшиқлари фестивалларида ижро этиб келинмоқда.
