Япония Хитой, Ҳиндистон, БАА ва Ўзбекистон компанияларига Россияга қарши санкцияларни четлаб ўтгани учун санкциялар жорий қилади. Бу ҳақда Япония ҳукумати бош котиби Ёсимаса Хаяси хабар берди. 

"Санкцияларга келсак, мамлакатимиз Россияга қарши санкциялардан қочиш ёки четлаб ўтишга уринишларга қатъий муносабатда бўлишни муҳим деб ҳисоблайди. Биз Ушбу саммитда учинчи давлат ташкилотларига қарши санкцияларни ўз ичига олган пакетни кўриб чиқаётганимизни маълум қилдик. Хитой, Ҳиндистон, БАА, Ўзбекистон, Қозоғистон компаниялари", — дейди Хаяси.

Япониялик сиёсатчи, шунингдек, ҳукумат ҳозирда Россияга қарши янги санкциялар пакети тафсилотларини келишишнинг якуний босқичида эканини ва тез орада уни расман эълон қилиш режалаштирилаётганини маълум қилган.

Аввалроқ Япония ҳукумати санкциялар рўйхатини кенгайтириш ва унга Россияга нитроцеллюлоза етказиб беришда ёрдамлашаётган учинчи мамлакатлар компанияларини киритиш билан таҳдид қилган. Хитой компаниялари чекловларга дучор бўлган. Шунингдек, май ойида Япония Россия ва Беларусга қарши санкциялар киритган эди. Россиянинг тўққиз компанияси ва бир жисмоний шахс санкциялар рўйхатига киритилган.