Энди якка тартибдаги тадбиркорлар лицензия олиш шарти билан тамаки маҳсулотлари савдоси билан шуғулланишлари мумкин.
Вазирлар Маҳкамаси якка тартибдаги тадбиркорларга юридик шахслар билан бир қаторда тамаки маҳсулотларининг улгуржи ва чакана савдосига рухсат берган.
Шу муносабат билан Litsenziya ахборот тизимида иккита электрон сервис ишга туширилган:
тамаки чакана савдоси бошланиши ёки тўхтатилиши тўғрисида хабар бериш;
тамаки маҳсулотларининг улгуржи савдоси бошланиши ёки тўхтатилиши тўғрисида хабар бериш.
Хабарнома Ягона интерактив давлат хизматлари портали орқали ҳам юборилиши мумкин.
"Адлия янгиликлари" канали 21 ёшгача бўлган шахсларга тамаки маҳсулотларини сотиш тақиқланганлигини, шунингдек, таълим, спорт ва диний ташкилотлардан 100 метр радиусда бўлмаслиги кераклигини эслатмоқда.
Давлат солиқ қўмитаси мухбиримизга тушунтиришича, якка тартибдаги тадбиркорлар тамаки маҳсулотлари савдоси билан шуғулланиш ҳуқуқини амалга ошириш учун тамаки маҳсулотларини сотиш лицензиясини олишлари шарт. Лицензиялаш тамаки маҳсулотларининг айланишини назорат қилиш учун зарур.
Эслатиб ўтамизки, ҳукумат мажбурий рақамли маркировка қилинадиган товарлар савдоси қоидаларини бузганлик учун жиноий жавобгарликни жорий этади. Бу спиртли ичимликлар, пиво ва тамаки маҳсулотлари, шунингдек маиший техника ва дори-дармонларни чакана сотадиган компанияларга тегишлидир.
