Эроннинг шимолий-шарқида, Жанубий Хуросон вилоятида кўмир конидаги портлаш туфайли элликдан ортиқ одам ҳалок бўлган.
Эроннинг Tasnim агентлиги маълумотларига кўра, портлаш Тебес шаҳридаги конда туннеллардан бирида метан сизиб чиқиши натижасида содир бўлган.
Портлаш пайтида В ва C блокларида 69 киши бўлган. В блокидан 20 кончининг жасади олиб чиқилган, C блокидаги барча ишчилар вафот этган.
Камида 20 киши жароҳат олган ва уларга тегишли тиббий ёрдам кўрсатилган.
Мамлакат президенти Масуд Пезешкиан ҳалок бўлганларнинг оилаларига ҳамдардлик билдирган ва уларга ёрдам беришга ваъда қилган, шунингдек, у содир бўлган воқеаларнинг сабабларини текширишни ва айбдорларни жавобгарликка тортишни буюрган.
