Таиландда Гуми номи билан танилган ўзбекистонлик 34 ёшли аёл ҳибсга олинган. У 16 октябрь куни Чонбури провинцияси иммиграция хизмати томонидан икки кунлик муддати ўтган виза учун ушланган.
The Pattaya News нашрининг ёзишича, унинг таржимаи ҳолини текшириш чоғида Гуми Ўзбекистон томонидан берилган Интерполнинг "қизил хабарномаси" бўйича ҳам қидирилаётгани маълум бўлган. Ҳуқуқни муҳофаза қилиш органларининг маълумотларига кўра, у чет элда фоҳишалик билан шуғулланиш учун ёш ўзбек аёлларини сотишда гумон қилинмоқда.
Ҳозирда гумон қилинувчи қамоқда, ҳуқуқни муҳофаза қилиш органлари унинг фаолияти ва ишда иштирок этиши мумкин бўлган бошқа шахсларни аниқлаш учун қўшимча тергов ўтказмоқда.
