"Ўзгидромет" Зомин аэропортидаги ишларнинг вақтинча тўхтатилганини маълум қилди.

Маълумотга кўра, аэропортда катта авиабортларни қабул қилиш имкониятини ошириш мақсадида иккинчи босқич таъмирлаш ва қайта жиҳозлаш ишлари олиб борилмоқда. Шунингдек, аэропортдаги метеорологик қурилмаларни замонавийлаштириш ишлари ҳам амалга оширилмоқда.

"Таъмирлаш ва модернизация ишлари якунланиши билан боғлиқ қўшимча маълумотлар кейинроқ тақдим этилади", — дейилади хабарда.

Таъмирлаш ишлари тугаганидан сўнг, Зомин аэропортининг фаолияти янада юқори даражада йўлга қўйилиши ва янги имкониятлар яратилиши кутилаяпти.