Президент Шавкат Мирзиёевнинг 2024 йил 27 декабрдаги ПФ-230-сон фармони билан бюджет ташкилотлари ходимларининг ойлик маошларини ошириш бўйича янги ўзгартишлар киритилди. Ушбу фармон билан 2024 йил 12 августда қабул қилинган ПФ-108-сон фармонга тегишли қўшимча ва ўзгартишлар тасдиқланди.
Маошлар оширилиши кимларни қамраб олади?
Янги қарорга кўра, 2024 йил октябридан бошлаб маошлари оширилган тиббиёт ходимлари қаторига фармацевтика соҳасида меҳнат қиладиган ходимлар ҳам қўшилди. Улар учун иш ҳақи 15 фоизга кўтарилади.
Илгариги фармонга асосан маошлари оширилган тоифалар
ПФ-108-сон фармонда қуйидаги бюджет ташкилотлари ходимлари ойлик иш ҳақининг 15 фоизга оширилиши белгиланган эди:
- Тиббиёт ходимлари.
- Мактабгача таълим муассасалари ходимлари.
- Умумтаълим, ўрта махсус ва профессионал таълим муассасалари ходимлари.
- «Мурувват» интернат уйлари, «Меҳрибонлик» ва Болалар уйлари ходимлари.
- Болалар санаторияларидаги педагог ходимлар.
Маош оширилиши қандай мақсадга қаратилган?
Ушбу фармонлар бюджет ташкилотларида ишловчи ходимларни рағбатлантириш, уларнинг меҳнатга бўлган иштиёқини ошириш ва соҳа ривожланишига ҳисса қўшиш мақсадида қабул қилинган. Қарор ижроси орқали тиббиёт, таълим ва фармацевтика соҳаларида кадрларнинг моддий аҳволини яхшилаш кутилмоқда.
Бу каби чора-тадбирлар давлат ходимларининг меҳнатига юқори баҳо бериш ва уларнинг иш шароитларини яхшилашга қаратилган изчил сиёсатнинг давоми сифатида қаралмоқда.
