Голливуд юлдузи Мел Гибсон Жанубий Калифорниядаги мудҳиш ёнғинлар натижасида Малибуда жойлашган 14 миллион долларлик уйидан айрилганини маълум қилди. Интервюсида у уйда сақланиб келинган XVII асрга оид ноёб китоблар ва оилавий фотоалбомлар каби қадрли ашёлар йўқолганини айтди.
Ёнғин содир бўлган пайтда Мел Гибсон яқинлари билан Техаснинг Остин шаҳрида бўлган ва ҳеч ким жабрланмаган. Унинг ўғли фақат паспортлар ва зарур ҳужжатларни олиб чиқишга улгурган.
Мел Гибсоннинг ҳис-туйғуларидан иқтибослар:
«Бу жуда қайғули, бироқ омон қолганимизга шукр қиламан. Ўйлаб кўрсам, бу ҳодисаларни ҳаётдаги бир покланиш сифатида қабул қилишга ҳаракат қилаяпман. Булар фақат буюмлар, уларни топиш мумкин, аммо энг муҳими — биз ҳали ҳам бирга ва соғ-саломатмиз».
Унинг ёнғинлар сабаби ҳақида фикри:
Мел Гибсон ёнғинларнинг сабаби борасида кутилмаган назарияни айтиб ўтди:
«Бу ҳолатлар менга илгариги замонларда ер соҳибларининг одамларни ўз мулкларидан сиқиб чиқаришга уринганини эсга солди. Ҳеч бўлмаса, сув етишмаслигига ўхшаш муаммолар қасддан юзага келтирилгандек кўринмоқда».
Ёнғинлар нафақат Гибсоннинг уйини, балки унинг қўшниларининг мулкларини ҳам вайрон қилган. Актёр ушбу фожиа давомида қўшниларига бўлган ҳамдардлигини ҳам билдирди.
