Microsoft компанияси дунёдаги биринчи ўта кучли квант компьютерларини яратиш йўлида жиддий қадам қўйди — уларнинг янги Majorana 1 чипи бу соҳада янги даврни бошлаши мумкин. Топологик юқори ўтказгичларга асосланган мазкур ишланма миллионлаб кубитли квант тизимларини лойиҳалаш имконини беради, бу эса ҳозирги квант технологияларидан анча юқори натижаларни ваъда қилади.

Компания вакиллари бу компютерлар “оламни ўзгартириши” мумкинлигини таъкидлаб, уларнинг реал ечимлар яратиш салоҳиятига ишонч билдиришмоқда. Масалан, квант ҳисоблаш усуллари экологик муаммоларни ҳал этиш, саноатда ўз-ўзини тиклайдиган материаллар яратиш ёки тиббиётда янги муолажаларни кашф қилишга ёрдам бериши мумкин.

Ҳалигача квант компьютерларининг кўплаб ваъдалари лаборатория даражасидан чиқмаган бўлса-да, Microsoft'нинг бу қадами соҳадаги рақобатни кучайтириши ва яқин йилларда ҳақиқий технологик тўлқинни келтириб чиқариши эҳтимоли юқори. Эндиги савол — бу инқилоб қанчалик тез ва самарали амалга ошади? Тараққиётни кузатишга арзийди!