Инсон организмида сув энг муҳим унсурлардан бири — бизнинг танамиз ярмидан кўп қисмини ташкил этади. Лекин биз сув етишмаслигини ҳар доим ҳам жиддий қабул қилмаймиз. Аслида эса ҳатто енгил сувсизланиш ҳолати ҳам кайфиятни бузади, ақлий фаолликни пасайтиради ва иммунитетни заифлаштиради.
Олиб борилган илмий тадқиқотларда исботланган: кун давомида кам сув истеъмол қилган иштирокчилар, сув миқдорини оширганларида ўзларини анча яхшироқ ҳис қилишган. Бу ҳолат суюқлик етишмовчилиги туфайли метаболизмнинг секинлашиши билан боғлиқ экани аниқланган.
Эътибор беринг: атиги 1,5% сув йўқотиш ҳам диққат ва хотирага салбий таъсир кўрсатади!
Мутахассислар тавсия қилади: тана вазнига қараб, ҳар бир килограмм учун кунига 30-40 мл сув ичиш лозим. Яъни катта ёшдаги инсон кунига камида 2–2,5 литр сув истеъмол қилиши шарт.
Ҳозир ўйлаб кўринг: сиз бир кунда қанча сув ичасиз?
