Бокс оламида сенсация: 2026 йил баҳорида Флойд Мейвезер ва Майк Тайсон рингга чиқиши расман маълум қилинди. Бу учрашув спорт тарихидаги энг кутилмаган ва шоу характеридаги жанглардан бири бўлиши кутилмоқда. Миллионлаб мухлислар икки афсонанинг тўқнашувини катта интизорлик билан кутиб турибди.

Мейвезер профессионал рингдаги фаолиятини 2017 йилда 50–0 рекорд билан якунлаб, кейиндан кўпроқ намойиший жангларда иштирок этди. Тайсон эса охирги бор 2024 йилда Жейк Полга қарши жанг қилган ва ҳозир ҳам спортдаги жозибаси билан эътибор марказида қолмоқда.

Тайсон бу учрашувни "замонавий бокснинг янги даври" деб атаб, рақибига ҳазил омехта тарзда «бу жанг сенинг соғлиғингга таъсир қилиши мумкин» деди. Унинг сўзларига кўра, бу учрашувни ҳеч ким тасаввур ҳам қилмаган ва айнан шунинг учун ҳам тарихий аҳамият касб этади.

Мейвезер эса одатдагидек ўзига ишонч билан чиқиб, мухлисларга ёрқин ва томошабоп жанг ваъда қилмоқда. Бокс экспертлари ва журналистлари бу тўқнашувни "ҳақиқий спорт шоу" сифатида баҳолашмоқда.