Пахтакор туманида жойлашган “Буюк ипак йўли” ҚФЙда 8 160 нафар аҳоли истиқомат қилади.

ДХА вилоят бошқармаси раҳбарияти ҳамда туман ДХМ, ФХДЁ бўлими ходимлари аҳоли муаммоларини “маҳаллабай” тизимда ўрганиш ишлари олиб борилмоқда. Муаммоларни жойида ҳал этиш ҳамда сайёр тартибда хизмат кўрсатиш учун, мобил  автобусда ҳар бир манзилга етиб борилмоқда. 

Аксарият шикоятлар  кадастр ҳужжатлари билан боғлиқ бўлганлиги сабабли туман кадастр идораси масъуллари ҳам бу ишга жалб қилинди. Бундан ташқари нафақа ва бола пуллари билан боғлиқ бўлган мурожаатлар ҳам тингланиб шу масалада келган фуқароларнинг рўйхати шакллантирилди.

Айрим сабабларга кўра шаръий никоҳда яшаб келаётган фуқароларга ҳуқуқий тушунтириш ишлари берилиб, никохда туриш ёки турмаслиги бўйича маълумотнома олиш бўйича аризалар жўнатилди. 

Бўлиб ўтган учрашув давомида марказ орқали 50 га яқин давлат хизматлари кўрсатилди.

Асосан СТИР, ЭРИ олиш, жамғариб бориладиган пенсия таъминотига ҳисобга қўйиш, никохда туриш ёки турмаслиги ҳақида  маълумотнома олиш каби хизматлар шулардан иборат.

Шу куни барча туман (шаҳар) ДХМлари томонидан уйма-уй юриш натижасида 404 та хонадонга кирилди. 721 та мурожаат қабул қилиниб, уларнинг 486 тасига тушунтириш берилди. 213 та “сайёр хизмат” кўрсатилди.

ДХА Жиззах вилоят бошқармаси Ахборот хизмати