Россиялик блогер Амиран Сардаров 5 август куни рафиқаси Марям Тиллаева (Ўзбекистон биринчи президенти Ислом Каримовнинг невараси)нинг ички кийимсиз тушган суратини Instagram’даги саҳифасига жойлади. Ушбу сурат ижтимоий тармоқларда муҳокамалар ва кескин танқидларга сабаб бўлди — дея хабар бермоқда 'Daryo.uz'.

Фото: Instagram / @amiran495

6 август куни Амиран суратни Instagram’даги саҳифасидан ўчириб ташлаган. У янги постида Каримовлар оиласидан узр сўраган.

«Рафиқам ва унинг оиласидан кечирим сўрамоқчиман. Ҳазиллашмоқчи эдим, лекин ўхшамади. Каримовлар оиласидан яна бир бор ушбу ўйланмаган ва номуносиб иш учун кечирим сўрайман», — деб ёзади Амиран.

Марям эса турмуш ўртоғининг постига: «Кечирим сўраш керакмас, менга сенинг контентинг (қўйган расминг) ёқади», — деб изоҳ ёзиб қолдирган.

Маълумот учун, Марям 7 йил аввал ота-онаси — бизнесмен Тимур Тиллаев ва Лола Каримова-Тиллаева билан АҚШга кўчиб кетган. Амиран Сардаров россиялик таниқли блогер бўлиб, YouTube’да унинг 6 миллионга яқин обуначиси бор.