Шавкат Мирзиёев GTL заводининг марказий бошқарув пултида ишлаётган ёшлар билан суҳбатлаша туриб, оператор Қуанишбай Тлемуратовдан қанча ойлик олаётганини сўради. Шу ерда ишчиларва ОАВ вакиллари билан қисқа мулоқот бўлиб ўтган.

— Ойлик қанча? — деб сўраган давлат раҳбари.

— 15 миллион (сўм), — деган Қуанишбай Тлемуратов.

— Мендан анча кўп оларкансиз, — дея суҳбатга қўшилган Kun.uz мухбири Аброр Зоҳидов ҳазиллашиб.

— Уйга қанча юборасиз? — Мирзиёев яна савол берган.

— Ҳаммасини. 3 маҳал овқат, ётоқ-жой, транспорт текин-да, дея жавоб берган ишчи-ходим.

Президент шу пайтда журналистларга қараб:

— Эшитдиларингизми? — деган.

— Журналистларга ҳам иш йўқмикин? — деб ҳазилни давом эттирган ЎзА раҳбари ўринбосари Хушнудбек Худойбердиев.

Ҳамма кулиб юборган.