“Норма” ҳуқуқий портали хабар беришича, Ўзбекистонда автомобиль эгалари янги йиғимлар тўлашади. 

Мазкур чора Президентнинг “Электромобиллар ишлаб чиқариш ва улардан фойдаланишни ташкил этишни қўллаб-қувватлаш чоралари тўғрисида”ги қарори лойиҳасида кўзда тутилган.

Хусусан, 2022 йил 1 апрелдан бошлаб Жамғарма маблағларини қуйидаги манбалар ҳисобидан шакллантириш режалаштирилмоқда:

• ички ёнув двигателининг ҳажми 2 литр ва ундан ортиқ бўлган автотранспорт воситасига эгалик қилиш учун автотранспорт воситасини техник кўрикдан ўтказишда олинадиган  БҲМнинг 2 баравари миқдоридаги тўлов; (таҳририят томонидан шуни   айтмоқчи эдикки, тўлов бир маротабами ёки ҳар-бир техник кўрикдан сўнг олиниши ҳозирча номаълум);

• чакана савдо тармоғида автомобиль бензини, дизел ёқилғиси сотишда ҳар бир литр учун 15 сўм ҳамда суюлтирилган ва сиқилган газнинг чакана савдо шохобчаларида ҳар бир куб метри  учун 100 сўм миқдорида махсус устама ҳақ ҳисобидан.