Украинадаги жанговар ҳаракатлар даврида (24 февралдан бери) 18 нафар журналист ҳалок бўлди, деб хабар берди Украина маданият ва ахборот сиёсати вазирлиги.

Шунингдек, ОАВ ходимларидан 3 нафари — бедарак йўқолган, 8 нафари — ўғирлаб кетилган, 13 нафари — яраланган.

Украина бош прокуратураси баёнотига кўра, Россия ҳарбийлари томонидан ОАВ вакилларига нисбатан 74 та жиноят содир этилган. Шулардан 19 нафари хорижлик журналистлар: Буюк Британия — 5, Чехия — 2, АҚШ — 2, Дания — 2, БАА — 2, РФ — 2, Ирландия — 1, Швейцария — 1, Франция — 1, Литва — 1.

Ҳалок бўлган 18 нафар журналистнинг 3 нафари — аёллар, ўғирлаб кетилган 8 журналистнинг 4 нафари — аёллар. Қолаверса, 15 журналист босимга учраган.