Дунёдаги энг «озғин» осмонўпар қурилди

Чоп этиш

Нью-Йоркда янги осмонўпар бино қуриб битказилди, деб хабар берди «Dezeen».

Ўзига хослиги — бунақа «озғин» осмонўпар дунёнинг бошқа ерида йўқ.

Бинонинг баландлиги тахминан 435 метр. Ғарбий яримшарда баландлиги бўйича иккинчи ўринда, бўйининг энига нисбати — 24:1. Яқинда қуриб битказилди, ишчилар ташқи конструкциясига сўнгги қисмларни ўрнатиб бўлишди.

Фото: «Dezeen»

Солиштириш учун: Тошкентдаги телеминорадан 60 метр баланд.

Осмонўпарнинг ҳар бир қаватида тураржойлар жойлашган. Нархи ҳам баландлиги чандон: студиялар учун — 875 минг доллардан бошланади, апартаментлар учун 8 миллион долларгача. Ҳали пентхаусларнинг нархлари эълон қилинмади.

Хабарларга кўра, бинода NFT, санъат буюмларининг муаллифлик ҳуқуқларини белгилашда қўлланилувчи токенларнинг энг йирик музейи очилиши ҳам мумкин.

Мавзу юзасидан фикр, мулоҳаза ёки қўшимча маълумотларингиз бўлса, Sangzor.uz Telegram канали орқали таҳририятга йўллашингиз мумкин.
Фикрлар (0)
Фикр билдиринг
Кликните на изображение чтобы обновить код, если он неразборчив