«Тош асри»: руслар тошдан қоғоз ишлаб чиқармоқчи

Чоп этиш

Россиялик иқтисодчи оҳактош ва токсик бўлмаган полимердан идоравий, китоб ва ҳатто ҳожатхона қоғозлари ишлаб чиқариш лойиҳасини тақдим қилган.

Иқтисодчи Алексей Елсуков «Янги давр учун кучли ғоялар» форумида ушбу лойиҳани илгари сурган. Унинг айтишича, оҳактошдан арзонгаров зич қоғозлар ишлаб чиқариш мумкин.

Агар бутун мамлакатда бу ишга киришилса, ҳозирги оддий қоғозга қараганда арзонроққа ҳам тушади. Шунингдек, Россияда битмас-туганмас оҳактошлар борлигини ҳисобга олиб, иқтисодий томондан ҳолатни яхшилашга имкони бўлиши айтилган.

Маълумот учун, бундай қоғозлар Ўзбекистон, Япония ва Туркияда ишлаб чиқарилади.

Мавзу юзасидан фикр, мулоҳаза ёки қўшимча маълумотларингиз бўлса, Sangzor.uz Telegram канали орқали таҳририятга йўллашингиз мумкин.
Фикрлар (0)
Фикр билдиринг
Кликните на изображение чтобы обновить код, если он неразборчив