7 май куни “Хотира олови” - Кремль девори ёнидан Номаълум Аскар Қабридаги Мангу олов заррачаси Тошкентга келтирилади. Бу ҳақда Рус уйининг Ўзбекистондаги ваколатхонаси хабар бермоқда. 

Хотира ва қадрлаш куни ҳамда Ғалаба кунига бағишлаб ўтказилаётган ҳарбий-ватанпарварлик акция доирасида Москвадан Ўзбекистон пойтахтига олиб келинадиган оловдан жинчироқлар ёқилади.

Кремль девори ёнидаги Номаълум Аскар Қабридаги Мангу олов қайғу рамзи бўлиб, мамлакатимизни ва бутун дунёни фашистлар тажовузидан ҳимоя қилган буюк ғолиблар хотирасига ҳурмат белгисидир.

Тошкентдаги Мангу олов заррачаларининг ёқилиши фашизмга қарши курашган аскар ва зобитларга рамзий маънода миннатдорчилик ва ҳурмат изҳор этиш имконини беради. Бу ўз авлодларини учинчи Рейх даҳшатларидан ҳимоя қилганлар хотираси Ўзбекистонда тирик эканининг яна бир исботидир.