Бир гуруҳ эркаклар Тошкентда босқинчилик жиноятини содир этишган. Улар куппа-кундуз Юнусобод туманидаги хусусий уйга бостириб қириб, хонадон эгаси ва унинг қизларига таҳдид қилишган. Бу ҳақда ИИББ хабар бермоқда.
Ҳодиса ўтган йилнинг декабрь ойи охирида содир бўлган. ИИББ бу ҳақида энди хабар бермоқда, чунки бу вақт давомида жиноятчилар қидирилган ва иш бўйича тергов давом этган. Эркаклар ўзларининг жиноятларини олдиндан режалаштиришган. Улар 51 ёшли фуқаронинг уйига кириб, қўл-оғзини скотч билан боғлашган, 1 миллион сўм ва 15 минг доллар бўлган сейфни олиб кетишган.
Тергов давомида ҳуқуқ-тартибот идоралари ходимлари жиноятчилар шахсини аниқлашга муваффақ бўлишган. 22 ёшдан 44 ёшгача бўлган саккиз нафар эркак мазкур жиноятга қўл урган.
Уларга нисбатан Жиноят кодексининг 164 (талончилик) ва 267 (транспорт воситасини ўғирлаш) моддалари бўйича жиноят иши қўзғатилиб, фуқаролар қамоққа олинган. Айни пайтда иш кўриб чиқиш учун судга юборилган.
