Уй-жой коммунал хизмат кўрсатиш вазирининг ўринбосари Озода Жўраева ва Уй-жой инспекцияси мутахассислари Юнусобод туманининг 10-мавзесида фаолият юритаётган "Чақмоқ сервис" бошқарув компанияси фаолияти билан танишган, шунингдек, унинг бошқарувидаги кўп қаватли биноларда бўлган. Натижада аянчли хулоса қилинган - подваллар сув остида қолган, канализация тизими деярли ишламайди.
"Чақмоқ сервис" компанияси ўзининг "яшин" номини оқламайди, одамлар унинг ишидан норози. Ертўлалар сув остида қолган, дезинфекция ишлари олиб борилмаган, канализация тизими қаровсиз ҳолатда. Натижада аҳоли бадалидан олинадиган даромад камайган. Аҳоли ушбу компанияга ишонмайди", - дея таъкидлаган уй-жой коммунал хизмат кўрсатиш вазирлиги.
Бундан ташқари, бошқарув компанияси биллинг тизими бўйича ишни ташкил қилмаган, тўловлар қонунга зид ҳолда нақд шаклда амалга оширилган. Ҳудудда кўплаб ноқонуний объектлар мавжуд. Вазир ўринбосари бошқарув компанияси раҳбарини қатъий огоҳлантирган ва икки кун ичида мавжуд вазиятни ўрганиш ишлари қайта олиб борилишини билдирган.
