Бандлик ва меҳнат муносабатлари вазирлиги Жанубий Корея ҳукумати ўзбекистонликлар учун визасиз режимни жорий этаётгани тўғрисидаги ижтимоий тармоқларда пайдо бўлган хабарни инкор қилди.
Бугунги кунда Жанубий Корея ўзбекистонликларнинг уюшган меҳнат миграцияси учун асосий йўналишлардан бири ҳисобланади. Ҳар йили ушбу мамлакат ҳукумати мамлакатимиз учун махсус квоталар ажратади. Шу билан бирга, барча мигрантлар корейс тили бўйича мажбурий имтиҳон топширишади.
Жанубий Кореяда ишлаётган ватандошларни қўллаб-қувватлаш учун Ташқи меҳнат миграцияси масалалари агентлиги Кванжу шаҳрида ўз ваколатхонасини очган.
Июнь ойи охирида Агентликнинг хабар беришича, жорий йилда фуқароларни вақтинчалик меҳнат қилиш учун уюшган ҳолда Жанубий Кореяда ишга жойлаштириш ҳажми ошган. Масалан, биргина 2002 йилнинг 1-чорагида ушбу мамлакатда 2687 нафар фуқаро иш билан таъминланган.
