The Best. Месси 2022 йилнинг энг яхши футболчиси деб топилди

The Best. Месси 2022 йилнинг энг яхши футболчиси деб топилди

FIFA 2022 йилнинг энг яхшиларини тақдирлади: Лионель Месси энг яхши футболчи, Эмилиано Мартинес энг яхши дарвозабон, Лионель Скалони эса энг яхши мураббий бўлди. Уларнинг барчаси 2022 йилда жаҳон чемпиони бўлган Аргентина терма жамоаси аъзоларидир.

27 февраль куни Франция пойтахти Парижда 9 та йўналиш бўйича FIFA йилнинг энг яхшиларини тақдирлади.

Йилнинг энг яхши футболчиси Лионель Месси («ПСЖ», Аргентина) бўлди. Ушбу номинация учун Килиан Мбаппе («ПСЖ», Франция) ва Карим Бенземанинг («Реал», Франция) ҳам номзоди қўйилганди.

the best, лионель месси
the best, лионель месси
the best, лионель месси
the best, лионель месси
the best, лионель месси
the best, лионель месси
the best, лионель месси
the best, лионель месси

Лионель Месси. Фото: Instagram

«Бу йил мен учун жуда ажойиб бўлди. Шунча кураш, шунча изланиш, шунча исёним натижасида орзумга эришдим. Бу — фаолиятим давомида содир бўлган энг гўзал воқеа», — дея таъкидлади футболчи.

Йилнинг энг яхши дарвозабони: Эмилиано Мартинес («Астон Вилла», Аргентина). Бошқа номзодлар: Ясин Буну («Севилья», Марокаш), Тибо Куртуа («Реал», Бельгия).

the best, лионель месси

Йилнинг энг яхши мураббийи номинациясида Лионель Скалони (Аргентина терма жамоаси, Аргентина) ғолиб бўлди. Ушбу номинацияни Карло Анчелотти («Реал», Италия), Пеп Гвардиола («Манчестер Сити», Испания) ҳам қўлга киритиши мумкин эди.

the best, лионель месси

Лионель Скалони. Фото: FIFA.

  • Йилнинг энг яхши аёл футболчиси: Алексия Путельяс (Барселона, Испания).
  • Йилнинг энг яхши аёл дарвозабони: Мэри Эрпс («Манчестер Юнайтед», Англия).
  • Йилнинг энг яхши аёллар мураббийи: Сарина Вигман (Англия, Нидерландия).
  • Йилнинг энг яхши голи учун Пушкаш мукофоти: Марсин Олекси (Варта, Польша).

Аргентина терма жамоаси мухлислари «Йилнинг энг яхши мухлислари» номинациясидаги совринни, «Кремонезе»нинг грузиялик ҳимоячиси Лука Лочошвили «фейр-плей» совринини қўлга киритди.

Қолаверса, эркаклар ўртасида йилнинг рамзий терма жамоалари 3−3−4 схемасида кўриниш олди:

the best, лионель месси

Дарвозабон: Тибо Куртуа («Реал» / Бельгия);

Ҳимоячилар: Ашраф Ҳакими («ПСЖ» / Марокаш), Виржил Ван Дейк («Ливерпул» / Нидерландия), Жоау Канселу («Бавария» / Португалия);

Яримҳимоячилар: Кевин де Брюйне («Манчестер Сити» / Бельгия), Лука Модрич («Реал» / Хорватия), Каземиро («МЮ» / Бразилия);

Ҳужумчилар: Килиан Мбаппе («ПСЖ» / Франция), Карим Бензема («Реал» / Франция), Эрлинг Ҳоланд («Манчестер Сити» / Норвегия), Лионель Месси («ПСЖ» / Аргентина).