Археологлар Самарқанд вилоятида қадимий шаҳар харобаларини топишган. Ҳозир унинг пайдо бўлиш санасини белгилаётган олимларнинг фикрига кўра, шаҳарнинг гуллаб-яшнаши милоддан аввалги VII-VIII асрларга тўғри келганлиги аниқ маълум.
Шаҳар Самарқанд вилояти Жамбой туманидаги Мингтепа қишлоғи ҳудудида олиб борилган қазишмалар натижасида топилган. Мутахассисларнинг фикрига кўра, шаҳар кучли мудофаа деворлари билан ўралган ва Буюк Ипак йўлининг маршрутларидан бирида жойлашган. Топилма бўйича тадқиқотлар германиялик мутахассислар билан биргаликда олиб борилмоқда.
Дастлабки маълумотларга кўра, бу шаҳар Хитойдан Европага ва ундан товарларни етказиб бериш билан шуғулланган Сўғд савдогарлари туфайли гуллаб-яшнаган. Шаҳар марказида яхши сақланиб қолган ёдгорлик мажмуаси топилган.
Шунингдек, археологлар шаҳар харобаларида сопол буюмлар ва сўғдий ёзувлари акс этган тангаларни топишган. Олимларнинг режалари Ўзбекистоннинг қадимий тарихининг ушбу марваридини сайёҳлар ва мамлакат аҳолиси ташриф буюриши учун очиқ қилишдир.
