Ўзбекистонда армия учун озиқ-овқат маҳсулотларини ишлаб чиқаришнинг тўлиқ занжирини яратишга ихтисослашган кластерлар ташкил этилмоқда. Шундай заводлардан бири кеча Чирчиқда очилган. Бу ҳақда “Ўзбекистон-24” телеканали хабар бермоқда.

Завод қуввати кунига 800 тагача индивидуал рацион пакети (ИРП) ишлаб чиқаришга имкон беради. ИРП ишлаб чиқариш учун ишлатиладиган қишлоқ хўжалиги маҳсулотлари ва бошқа хом ашё орт таъминот бўлинмаларидан tтказиб берилади. Масалан, гўшт сут маҳсулотлари Термиз шаҳридаги гарнизондан олиб келинади, у tрда 1500 дан ортиқ қорамол боқилмоқда.

Шахсий рацион гўшт ва ўсимлик консервалари – шўрвалар, ёрмалар, сабзавотли икра, шунингдек нон ва макарон маҳсулотлари, қуритилган мевалар, чой, қаҳва, шакар, қуюлтирилган сут, шунингдек асал ва сариёғдан иборат.

Яқин келажакда заводда балиқларни музлатиш технологиясини ўрнатиш режалаштирилган. Бу ҳарбий хизматчиларнинг овқатланишини яхшилайди. Бундан ташқари, консерваланган миллий таомлар ишлаб чиқаришни йўлга қўйиш режалаштирилган.

Шахсий овқатланиш рациони учун махсус вакуумли қадоқлаш яратилган бўлиб, у чидамлиликка, сув ўтказмасликка ва қуёшдан ҳимоя қилинганликда махсус синовлардан ўтган.

Паёкнинг икки тури мавжуд.жуд. Биринчиси 3927 килокалорияни ўз ичига олади, бу ҳарбий қисмларнинг ҳарбий хизматчилари учун озиқ-овқат ҳисобланади. Иккинчи тур – 4685 килокалориядан иборат, яъни махсус бўлинмалар учун мўлжалланган. Ҳозирги кунда маҳсулотларни ташқи бозорларга экспорт қилиш имконияти ўрганилмоқда.