Хоразм вилояти Ҳазорасп тумани аҳолиси маҳаллий маъмуриятнинг эътиборини мактабга кетаётганда болаларни "кузатиб борадиган" ва уларни қўрқитадиган дайди итларга қаратган. Шу билан бирга, улар ҳокимиятни ҳайвонларни йўқ қилишга эмас, балки бошпаналарга бириктиришга чақиришган. Бунинг ўрнига   ушлаш хизмати ходимлари ҳайвонларни заҳарлаб, ҳокимлик “чиройли” ҳисоботларни ўзининг телеграм каналига жойлаган.

Хоразм вилояти Ҳазорасп тумани Зенли маҳалласида яшовчи аёл шикоят қилиб, болалар дайди итлар туфайли мактабга боришдан қўрқишади, деб ёзган. У ўз хабарида шундай деган: "Умид қиламизки, расмийлар итларни отиш ўрнига, уйсиз ҳайвонлар учун махсус бошпаналар очишади. Итларни ўлдирмаслик керак! Аммо бу ҳолатда кўчаларда юриш ҳам хавфсиз эмас".

Натижада Хоразм вилояти Ҳазорасп тумани ободонлаштириш бошқармасининг қаровсиз қолган ҳайвонларни тутиш ва йўқ қилиш хизмати Зенли маҳалласига ташриф буюриб, аҳоли ўртасида сўров ўтказган, маҳаллада яшовчи дайди итлар ҳақидаги тафсилотларни билиб, уларни заҳарлаш орқали йўқ қилган. Оммавий заҳарланиш тўғрисидаги ҳисобот туман ҳокимиятининг расмий каналида эълон қилинган ва   фотоҳисоботлар илова қилинган.

Шу билан бирга, қаровсиз ҳайвонларни тутиш бўлимларининг функциялари ва вазифаларига уларни йўқ қилиш кирмайди. Улар нима қилишлари кераклигининг қисқача рўйхати:

• кўчаларда ва бошқа жойларда қаровсиз итлар, мушуклар ва йиртқич ҳайвонларни ушлашни ташкил этиш ва уларни вақтинча сақлаш учун махсус жойлар яратиш

• одамлар ва ҳайвонларга шикаст етказган ёки уларга ҳужум қилган ҳайвонларнинг ветеринария бўлимларига карантин учун етказиб бериш

• ҳайвонлар қутурган тақдирда тегишли ветеринария бўлимлари билан биргаликда ишлашни ташкил этиш, шунингдек ветеринария-санитария қоидаларига риоя қилган ҳолда ҳалок бўлган ҳайвонларни зарарсизлантириш.

  Дайди ҳайвонларни йўқ қилиш қонунга зиддир.